NABIGLA sina Katrina at Bryan ng ipagtapat nila Tamara sa mga ito na sinagot na nito si Marcus.
"Excused us, Marcus. Kausapin ko lang sandali kapatid ko," si Bryan. Hindi kababakasan kung pabor ba ito kay Marcus o hindi. Maayos ang pagtanggap nito kay Marcus kanina pagdating nila. Pero ngayong ipinagtapat nila dito ang bagong estado ng relasyon ay bigla itong naging seryoso.
"Yah sure!" nakangiting tugon ni Marcus. Nagniningning parin ang mga mata nito sa kaligayahan.
Pagkasagot ni Marcus ay naglakad na si Bryan papunta sa pinaka library ng bagong bahay.
Nginitian naman ni Tamara si Marcus at tsaka sumunod sa nakatatandang kapatid.
"What's this, Tamara?"
"Kuya, twenty three na ako. Nasa tamang edad na ako para magka boyfriend. Tsaka mabuting tao si Marcus. Kilala mo naman siya,diba?"
