MAAYOS naman akong pinapakisamahan ng mga pinsan ko. Awkward nga lang talaga dahil siguro, binabalikan ko ang mga nangyari sa nakaraan kahit parang para sa kanila ay hindi naman iyon nangyari.
Madalas ay si Briana pa rin ang kasa-kasama ko at nagugulat ako kapag kinakausap ako ni Alciana. The last time na nag-usap kami, hindi iyon naging maganda kaya nagugulat pa akong kinakausap niya ako.
Siguro nga kinalimutan na nila ang lahat ng masalimuot na nangyari sa nakaraan. May ibang babae na sa buhay ni Yago at iyon ang importante sa kanilang lahat.
“Zari!” tawag ni Alciana. Umalis siya sa tabi ko at lumapit kay Zari. May pinag-usapan silang dalawa at nagtawanan. I can see their closeness. Hindi maikakailang gustong-gusto ng pamilya ni Yago si Zari Hidalgo para sa kanya.
“Ate, paalis kami n
