PUMUNTA ako ng kusina para kumuha ng tubig dahil nauuhaw ako. Sumandal ako sa island countertop habang inuubos ang aking tubig at tulala sa kawalan.
“Manang?”
Napalingon ako sa narinig kong boses. Kanina pa ako nakakulong sa kuwarto ko kaya’t hindi ko akalain na bukod sa mga pinsan ko, may iba pang naririto sa bahay. Nakakita ako ng isang hindi pamilyar na lalaki na kausap ngayon si Manang.
“Pinapakuha nina Luciel iyong Jim Beam. Dalhin na raw po sa poolside.” Tumigil siya sandali. “Nasaan po sina Mama?”
Inubos ko ang iniinom kong tubig at nilagay sa dishwasher ang baso nang maubos ko ang laman nito. Muli kong tiningnan ang lalaki at inobserbahan siya.
Hindi ko masabi kung mas bata ba siya sa akin o kasing edaran ko lang.
“Umalis sina Ma’am kanina, eh. Kasama po ni Sir Avion. May pu
