NAABUTAN ko si Mommy sa living room. Mag-isa lamang siya kaya naisipan ko na maupo rin doon, hindi nga lang sa tabi niya.
Tumingin siya sa akin at nakita ko ang pagngiti niya nang mapansin ako. Gusto ko mang ngumiti sa kanya, hindi ko na lang ginawa at nagpanggap na hindi ko napansin ang pagngiti niya sa akin.
“Hi, honey,” bati sa akin ni Mommy. “Umuwi na ba ang Ate Maxine mo?”
“Hindi pa ata, Mom. Hindi ko pa siya napapansin. Pati sina Silver at Yvo.” Naisip ko tuloy bigla, sana pala sumama na lang ako sa dalawang nakababatang kapatid. Para kasing pinapahirapan ko lang ang sarili ko kakamasid kina Yago at Zari.
Napawi ang ngiti ni Mommy. Tumayo siya at lumapit sa akin. Tiningnan ko siya, nagtataka pa kung bakit siya lumipat sa tabi ko.
“Anak, alam kong galit ka pa rin sa amin ng dad
