NAPAHUGOT NG MALALIM na hininga si Silver na hindi mawari kung ano pang dapat sabihin kay Evie. Mukhang nais talaga nitong maglayo muna sila habang hindi pa niya napapatunayang hindi siya ang ama ng bata.
"Okay." halata na rito ang pagkaaburido at pagkadisgusto sa ginagawa sa kanya ni Evie.
Malalalim ang bawat paghugot nila ng mga hininga nila, pareho silang natatahimik ngayon dahil baka kung ano na naman ang lumabas sa mga bibig nila na makapagpalala pa ng sitwasyon.
Sinusubukan pa rin ni Evie na kumalma kahit pa naiinis na siya sa sitwasyon. Halo-halo ang emosyon niya ngayon na hindi malaman kung ano ang dapat pairalin o unahin.
"I think, you must leave. Mukhang pagod ka na." mas mahinahong saad nito kay Silver na hindi niya matingnan ng maayos.
Isang malakas na buntong hininga lang
