Ngayon na ang araw ng recognition ng anak ko, kasalukuyan kaming nasa loob ng kotse habang tinatahak ang daan patungo sa Perpetual Academy.
Gusto sana talaga ni Papa na sumama sa amin dahil gusto niya ring mapanood nang live si Mari habang sinasabitan ko siya ng medal, kaso no'ng sinubukan naman daw ni Papa na magpaalam sa boss niya para um-absent ngayong araw, hindi naman siya nito pinayagan.
Kaya nangako na lang ako kay Papa na kahit sa video ay makita niyang sinasabitan ko ng medal ang apo niya.
"May gift daw ako kay Lolo, ma. Kaso surprise nga lang daw."
"Hindi ka na nasanay riyan sa lolo mo." Natawa ako nang bahagya. "Alam mo namang hilig niya na i-surprise ka tuwing may achievement ka sa school, 'di ba?"
"Kaya nga excited po ako." Kahit na hindi ko lingunin si Mari ay batid ko
