“Pagkatapos kumain ay umalis ka na agad, Freyja. Sabihin mo na lamang na hindi mo nagawang gawin ang ipinag-uutos ni Odin—”
“Hindi ako babalik, Loki. Ayoko nang bumalik. Mas gusto ko rito,” apila ni Freyja sa sinasabi ni Master Loki.
Ako ay nanatiling tahimik habang kumakain ng hapunan at hinahayaan silang mag-usap na dalawa. Sa tingin ko naman kasi ay hindi kailangan ng opinyon ko kaya mas magandang itikom ko na lamang ang aking labi.
“Ano mang oras ay pababalikin ka rin naman ni Odin lalo na kung malalaman niyang hindi mo ginagawa ang kanyang sinabi sa ‘yo. Bumalik ka na lang.” Humigop ng sabaw si Master Loki matapos sabihin ang lahat ng iyon kay Freyja.
Hindi kaagad nagsalita si Freyja at tumingin lamang sa kanyang pinggan. Halatang marami siyang gustong sabihin ngunit sa ngayon mas
