Nakita namin si Freyja na nag-aabang malapit sa bahay. Malayo-layo kasi ito kung saan ang ginawang bakbakan namin laban kay Thor kanina. Siguro nang paalisin ko siya at sinabing lumayo ay rito na lamang siya nagtungo.
Nang mamataan niya kami ay kaagad siyang lumapit sa amin. Kita ko ang pag-aalala sa kanyang mukha. Naka-ukit iyon sa ekspresyong suot niya ngayon at tila nakahinga lamang nang maluwag nang masiguradong humihinga pa kami ni Master Loki.
“Kumusta? Si Thor?” Pinagmasdan niya kaming dalawa ni Master Loki at tila sinusuri kung may mga sugat ba kaming natamo na kailangang pagtuunan ng pansin.
“Umalis na si Thor. Haze froze his hand and chest. Mas pinili ni Thor na tumakas na lamang siguro at pabalik na iyon sa Asgard. We couldn’t chase him.” Si Master Loki ang nagpaliwanag. Wala
