Hindi ko nasagot ang katanungan ni Freyja. Hindi ko rin naman kasi talaga alam kung ano bang dapat kong sabihin o isagot sa kanya kaya nanahimik na lamang ako.
Nagpaalam sa akin ni Freyja na kakausapin niya raw si Master Loki. Hindi ko naman siya pinigilan. Siguro ay hindi lang din siya matahimik na hindi niya nalilinaw o nasasabi kay Master Loki ang kanyang nararamdaman at saloobin.
Naiwan akong mag-isa sa porch at nakaupo pa rin. Ilang sandali pa akong nakatingin sa kawalan bago rin magpasiyang pumasok sa loob. Nakatulugan ko na lamang iyong itinatanong sa akin ni Freyja, na pakiramdam ko hanggang panaginip ay sinundan ako ng mga tanong na iyon.
Mabigat ang aking mga mata nang magising ako. Lumabas ako ay naabutan ko si Freyja na naghahanda ng umagahan namin. Bumaling siya sa akin at
