“Anong ginagawa natin dito?”
Nasa tuktok kami ng isang bulkan. Ramdam na ramdam ko ang init ngunit hindi kami nasusunog. Nakakapagtaka na malapit na kami sa bunganga ng bulkan ay hindi pa rin kami nalulusaw dulot nang matinding init. Siguro ay ganoon talaga kapag hindi ka mortal na tao lamang.
Kami lamang ni Master Loki ang naririto sa may bunganga ng bulkan at si Freyja ay nagpaiwan sa baba. Ayaw niya raw kasi rito dahil mainit nga.
“Ito ang lagusan papunta ng Muspelheim, Haze,” panimula ni Master Loki.
Hindi ko magawang tumingin sa kanya dahil ang buong atensyon ko ay sa mga bumubulang magma ng bulkan. Napalunok ako matapos kong sumilip at bahagyang umatras, natatakot na baka mahulog ako roon.
“Ito ang magiging pagsasanay mo ngayon.”
Napatingin ako kay Master Loki dahil sa huling
