Hindi niya alam kung gaano siya katagal umiyak. Nang mahimasmasan at gumaan ang kaniyang pakiramdam inayos niya ang kaniyang sarili at lumabas sa silid na iyon.
"Sis, where have you been? Kanina pa kita hinahanap ah!"
Agad na salubong sa kaniya ni Carla.
"Hey! Umiyak ka ba? Bakit namumugto yang mga mata mo? Don't tell me nag-away kayo ni Papa Luke? Pero imposibleng mag-away kayo dahil ni minsan hindi ko pa kayo nakitang nag-away! Come on, sabihin mo sa akin kung anong problema."
Anito, at hinawakan pa siya sa baba. Sinipat pa siya nito sa mukha. Makakaiwas pa ba siya? Magsisinungaling pa ba siya dito eh kahit kaliit-liitang problema niya ay alam nito.
"Sis!"
Nagbabanta ang mga titig nito.
"Nagkita kami ni Ram kanina, nandito siya."
"Si Ram? As in si Reinhard Alfredo Mike Villegas?
