Naguguluhan ako sa mga pinagsasabi nito. Training? Sinong nag-training? Bigla tuloy akong napahilot sa aking noo? Talaga bang may mga ganitong tao rito sa Lunsod? Kung ano-ano kasi ang mga pinagsasabi nilang kabaliwan? Pakiramdam ko’y ako pa ang maunang mabaliw sa kanila. Bigla ko tuloy nahimas ang aking buhok. Nakaka-stress sila.
Mayamaya pa’y umalis na ang lalaki sa aking harapan. Mas lalo akong nagtaka nang lumapit ito sa babaeng ninakawan nito at inabot ang bag na dala-dala. Wow! Bati na sila?
“Muntik na si junior ko roon. Baog sana ako ngayon. Hihingi talaga ako kay boss ng malaking bayad,” anas ng lalaking magnanakaw. Nakita kong sumakay sila ng kotse. Iiling-iling na naglakad na lamang ako habang wala pa akong nakikitang taxi na masasakyan ko.
Subalit nanlalaki ang mga mata ko n
