-Paloma-
Nang gabing yon ay nagdesisyon na rin ako na uuwi na ako ng bansa at babalik sa pamilya maging sa mga taong nagmamahal sa akin. Naging mahirap sa akin ang iwan sila noon at sa paglipas ng taon ay natutunan ko kung paano ilaban ang sarili ko sa lahat, maging masakit man ang magiging resulta ng lahat ng ito. Lumipas pa ang ilang linggo hanggang sa natapos na nga ng tuluyan ang contract ko dito sa pinagtatrabahuhan ko. Hindi na rin ako nagdalawang isip dahil buo na rin naman ang desisyon ko na uuwi na talaga ako ngayon.
“B*tch, talaga hindi ka na magpapapigil pa noh?” Nakalabing tanong sa akin ni Eric ng makalabas na rin ako ng office ng aming head nurse.
“Asus…. akala mo naman ay hindi mo kayang puntahan ang babaeng yan. Hoy! Bakla isang sakay mo lang yan sa private plane mo nasa
