-Patrick-
Araw ng linggo ngayon at patungo kami sa bahay nila Paloma ngayon dahil na rin sa kaarawan ng ina nito at kasama ko rin sina Gina at Wilson. Sila rin kasi ang nagsabi sa akin na iniimbitahan ako ng Nanay ni Paloma, natuwa naman ako dahil alam kong kahit papaano ay gusto ako ng ina nito para sa kanyang anak. Ilang oras din ang tinakbo namin bago naming marating ang Bulacan kung saan doon lumaki ang dalaga, kinakabahan pa ako dahil alam kong makakaharap ko naman ang Tatay nito na palaging masama ang tingin sa akin.
“Maligayang kaarawan po, Tita” Bati ng mag-asawang sina Gina at Wilson. Nagmano rin ang mga ito at saka inabot ang dalang regalo sa Ginang.
“Mabuti naman at nakarating kayo Gina, masaya akong makita kita anak. Kamusta na ba ang pagbubuntis mo?” Masayang tanong ng Gin
