Lumipas na lang ang mga araw hanggang sa maging linggo pero hindi ko pa rin alam kung kailan uuwi si Luther. Nakapagpa-check up na rin ako at masaya akong malaman na may heartbeat na si baby. Ramdam ko talagang buntis ako dahil masama ang pakiramdam ko at siyempre nagre-research din ako. Wala na rin akong balita kay Cairo at kami lang ang nandito sa bahay niya. Sa tingin ko nga ay dahil sa sobrang pagkabagot ay napagod na rin si Asin at Bisonga na mag-away. Ngayon kasi ay parehong nakatunganga sa pinapanood.
“Ano’ng pinapanood niyo?” usisa ko.
“Temptation island,” sagot ni Asin pero tutok na tutok pa rin ang mata sa screen.
“Ako i, Marian Rivera,” proud na wika ni Bisonga.
“Ako naman si, Lovi Poe,” sagot ni Asin. Tinaasan ito ng kilay ni Bisonga at hindi hiniritan ng saway. Himala r
