Isang linggo ang nakalipas, nagmumukmok pa rin si Apple. Hindi siya lumalabas ng silid.
Mabigat ang loob niya, masikip ang dibdib at parating mainit ang ulo.
Mas pinili niyang magkulong sa silid para makaiwas sa gulo.
Sa ginawa sa kaniya ni Shunjiro, baka mapatay niya ito kapag nagkita sila ulit.
Nangangati pa naman ang kamay niya. Gusto nitong manakit ng tao!
Ang babaeng iyon! Kapag nakita niya ito ulit, ilulublob niya talaga ito sa kanal!
Tatlong katok ang pumukaw sa kaniya.
Umahon siya sa kama at pinagbuksan ito.
"Hi," nakangiting bati sa kaniya ng kaniyang kakambal.
Buti pa ito, laging blooming. Masuwerte sa napangasawa dahil hindi kailanman pinagpalit sa ibang babae!
"Dinalhan na kita ng breakfast. Alam kong hindi ka na naman bababa." Nilapag nito ang dalang tray sa side tab
