CHAPTER 40
Wow. Okay. Siguraduhin niya lang na mapapaniwala niya ako sa mga sasabihin niyang dahilan.
Mabilis na pumagitna si Lethal sa ‘ming dalawa saka pahablot na kinuha ang braso ni Margarita, sa totoo lang ay mukhang balak na ito kaladkarin ni Lethal palayo sa kinatatayuan niya para lang ma interrupt ang sasabihin.
“Bakit ba?! Ano pa bang pagkakaiba kung itago o hindi?!” ani Margarita. Pinigilan ko ang kamay ni Lethal kaya naman napatingin siya sa ‘kin.
“Gusto kong marinig ang sasabihin ni Margarita.” Pinal na sabi ko sa kanya.
Gamit ang isang kamay ay hinila ni Margarita ang sleeve na suot noong kamay ni Lethal na nakahawak pa rin sa braso niya. Hinila niya ‘yon pataas saka pinakita sa ‘kin ang... balat nito na puno ng pasa at... sugat.
Mabilis na bumitaw si Lethal para ibaba a
