MAKALIPAS ANG TATLONG GABI
Nagising si Moonshine na wala ang nobyo sa tabi. Tumayo siya para silipin ang bintana kung naroon ito sa hardin ngunit wala siyang nakita kahit anino nito.
“Drifher?” Tawag niya sa nobyo. Lumakad siya patungo sa pintuan, ngunit bago pa niya pihitin ang seradura ng pintuan may tumakip na sa bibig niya at naglaho silang sabay sa mismong kuwartong okupado niya.
“Paano mo nakuha ang babaeng ‘yan?”Takang tanong ni Rodrigo ng makitang nakahiga sa sahig ang babaeng kasa-kasama ni Drifher. Tinungo niya ang bakanteng kuwarto dahil may ipapakita raw si Sena sa kanya at iyon nga ang bumungad sa kanya.
“Tingin mo ba madali kong makukuha ‘yan kung walang tulong?” sarkastikong tanong ni Sena na tinitignan si Moonshine na wala pa ring malay. Kung tutuusin pabor sa parte n
