Chapter • Ten
Umaalingawngaw sa buong lugar ang mga hiyawan ng mga tao. Para bang inaasahan nila na mangyayari ito. Hindi ko alam kung bakit tila may nagliyab sa loob ko. Nabalot ng galit ang dibdib ko at pakiramdam ko ay nagsisimula akong mawalan ng kontrol.
Nang makita kong inilabas ng lalake ang lighter, tuluyang nagbago ang kulay ng mga mata ko. Nagngitngit sa galit ang aking mga ngipin at tuluyang lumabas ang matatalas kong mga kuko.
Tutok ang mga nanlilisik kong mga mata sa lalakeng emcee, nagsimula akong humakbang. Nag-aapoy na sa galit ang dibdib ko. Taon ang binilang ko bago ko siya ulit nakita tapos sa ganitong pagkakataon pa?
Ilang hakbang pa lang ang nagagawa ko nang biglang may humablot sa akin. Tinakpan ng lalake ang bibig ko saka niya ako hinila palayo sa lugar. Sinubuk
