KAGAYA ng bilin ni Mommy Arriane ay naka-ready na sila 5 AM pa lang. Hindi naman nagtagal ay dumating ang dalawang sasakyan. Agad na nagpakilala ang mga ito at nagbigay-galang sa kanilang mag-iina. Magkakatabi silang tatlo sa back seat. Ang isang kotse ay nakasunod sa kanila, malamang na mga bodyguard iyon. Halos dalawampung minuto silang nagbiyahe bago tumigil ang sasakyan sa domestic airport. Dinukot ni Nadine ang phone at planong tawagan ang kanyang magiging mother-in-law nang mag-ring iyon.
“I’m sorry, hija, late ko na na-inform na sa jet plane na kayo sumakay dahil nagka-emergency ang chopper na dapat susundo sa inyo.”
“Sige po, Mom. Nandito na rin kami sa airport. Salamat po sa info.”
“Welcome, hija. Take care . . .”
Hindi nagtagal sa himpapawid ay nag-announce na ang piloto na
