Palinga-linga silang dalawa habang mahigpit na hawak ni Lath ang kamay ni Nadine nang makarating sila sa airport.
“Hon, dito bilis!” Sinusundan lang nila ang mga dilaw na arrow habang may mga pasaherong nakasunod ang tingin sa kanila. Papaano ba naman, nakasuot pa rin si Nadine ng wedding gown habang halos tumakbo na siya sa bilis maglakad ng kanyang groom. Narating nila sa boarding area ang pinakahuling arrow. Isa iyong bagong eroplano na may malaking tarpaulin na may nakalagay na, “Happy Honeymoon.”
Iginiya sila ng mga stewardess sa loob at namangha silang dalawa sa nadatnan—isang napakagandang VIP room sa loob ng isang jumbo jet.
Napakaganda ng pagkakagawa ng room. Talo pa nito ang mga VIP room sa mga 5-star hotel. Nakatayo lang si Nadine sa bukana niyon habang namamasa ang mga ma
