Wala namang kakaibang umaaligid sa paligid ayon sa sinabi ng mga guardia personal. Nagmamasid din ang mga guardia civil ngunit nagkukubli lamang sila sa mga sulok o hindi kaya'y sa likod ng mga puno at iba pang mapagtataguan. Alerto at maingat talaga ang lahat dahil walang nakakaalam kung kailan kikilos ang mga higante.
Isiniwalat ito ni ama kay Gobernador Emilio kung kaya't nagtutulungan ang lahat ngayon. Nalaman ko nga na sinabi ni Florencio na bantayan daw akong maigi dahil baka mapahamak ako at matangay ng mga higante o kung sino mang dadakip sa akin. Hindi raw siya papayag na magkalayo kaming dalawa.
Nahiya naman ako sa lahat dahil pakiramdam ko ay para akong napakaimportanteng tao rito sa bayan ng San Juan. Wala naman yata akong naiambag sa sambayanan dito. Hay! Nagpapasalamat na r
