"Andres, nasaan na tayo?" tanong sa kaniya nang parang habang tumatagal ay papaakyat ang direksyong tinatahak namin.
"Nasa unahan ang kanilang lungga, binibini," sagot niya. "Dito raw kasi sila nagtatago sa kabundukan. Malayo ito sa bayan. Hindi rin kabisado ang mga guardia civil sa lugar dito kung sakali mang sumugod ang mga ito sa kanilang samahan. Alam na ng mga kasapi ng samahan ang pasikot-sikot dito kaya madali lang sa kanila ang magtago rito."
"Pasensya ka na talaga, hija. Sobrang mapanganib ang aming ginagawa. Buhay mo pa ang nakataya. Ngunit gagawin namin ang lahat, maibalik ka lang sa iyong pamilya. Kung kailangang ialay ang buhay ko, gagawin ko iyon. Magkasama lamang ang aking mga pamangkin at mailigtas ka rin."
Napangiti lang ako nang bahagya sa sinabi ni Tiyo Pascual. Hind
