"Sandali, binibini! Baka mahulog ka!" narinig kong sabi niya ngunit hindi ko ito pinansin.
Dahil sa pag-aakala kong may matatapakan ako sa dingding, biglang dumulas 'yong mga paa ko at nabitawan ko 'yong kinakapitan ko at nahulog ako. Kaya napasigaw ako. Pero, nanlaki ang mga mata ko nang mapagtanto kong nasalo ako ni Federico.
"Sino iyan?" Isang boses ang narinig namin sa hindi kalayuan.
"Federico, magtago tayo. Baka makita tayo ng guardia personal," wika ko sa kaniya.
Dinala naman niya ako sa may tagong sulok na hindi talaga kami makikita ng guardia personal. Nakita pa naming may dala itong lampara at tinignan 'yong pwesto namin kanina.
"Nakapagtataka. Sigurado akong dito nanggaling ang boses na iyon," narinig naming saad ng guardia personal bago ito umalis.
"Puwede mo na akong iba
