"Ang aga mong nagising, kapatid, ah? Matagal ka naman kung gumising. May gagawin ka ba ngayon?" bungad na tanong ni Kuya Joaquin pagkababa ko ng hagdan mula sa kuwarto ko. Nakasuot na pala siya ng uniform na pang-heneral.
Sasagot na sana ako nang magsalita si Ate Felicidad na nasa likuran ko na pala. "Masyadong natutuwa si Francesca na malibot ang buong hacienda natin kaya maaga siyang nagising. Nagulat nga ako nang sabihin sa akin ni Paulita kagabi na nais daw libutin ng kapatid natin ang hacienda."
"Talaga? Mabuti naman kung ganoon," sabi naman ni Kuya Joaquin na nakatingin sa 'kin. Parang natutuwa rin siya dahil sa nabalitaan niya. "Masyado kang nasa silid lagi. Lumabas-labas ka rin upang masikatan ka ng araw."
"Tara na po!" narinig naming sigaw ni Clara na nagmamadaling bumaba ng ha
