"Ano pong ibig sabihin ng hugis bilog na may patagilid na linya, Madam Theodora?" Si Federico naman 'yong nagtanong.
"Oo nga po," singit ko naman. "Nakapagtataka rin po kasi parang tula 'yong sabi eh o tula talaga 'yan? Tula talaga 'yan eh. Pero madalas pong apat na linya ang tula, 'di ba? Hay! Ewan!" naguguluhang tugon ko.
"May ikaapat na linya sa tulang ito," banggit ni Madam Theodora kaya halos malaglag ang panga ko pero napangisi rin makalaon.
"Bakit hija?" naguguluhang tanong ni Madam Theodora.
Napansin ko namang ngumiti si Federico kaya tinaasan ko siya ng kilay. "Nahulaan po siguro niya ang sinabi niyo, Madam Theodora," ani Federico.
"Woah! Manghuhula ka na rin pala. Nahulaan mo eh." Hinampas ko pa siya pero naramdaman ko ang talim na tingin ni Madam Theodora kaya umayos din ak
