CHAPTER 56: VACATION
Rhys's POV
Dahil ayaw ni Zion na ituloy ko ang plano ko, buong magdamag ako nag-isip ng ipapalit sa planong 'yon. Hindi ibig sabihin na ayaw na niya ng ideya kong 'yon ay ihihinto ko na rin ang kagustuhan kong pagalawin ang kalaban sa agos na gusto ko.
Alam ko naman na gusto niya rin ang ideya kong kami ang kokontrol sa agos, ang ayaw niya lang ay 'yung masusuong kami sa posisyong alanganin. Naiintindihan ko naman siya sa parteng iyon at may punto naman talaga siya.
Kaunti lang ang nilabhan kong damit kaya hindi sumakit ang kamay at balakang ko. Medyo tinanghali lang ako ng gising dahil nga nagpuyat ako kakaisip ng bagong plano.
Hindi ugali ni Zion ang manggising sa umaga kapag alam niya na wala namang importanteng gagawin at o 'di kaya ay wala naman akong bilin n
