CHAPTER 11: NEW COMRADE?
Rhys's POV
Ang kasunod na viyon na aming pupuntahan ay ang Figne, halos pareho lang ito ng Aporra na aking pinanggalingan na viyon.
Malapit na kami makarating doon, mabuti na lang at hindi kami aabutin ng dilim.
Sa totoo lang, walang laman ang isip ko kundi pag-aalala sa anong puwedeng mangyari pagdating namin doon. Alam kong kagaya ng mga tao sa Igare ay may galit din sila sa akin. Ayoko na maulit ang nangyari na nakakuha pa ako ng atensyon sa mga tao at lalo lang lumala ang tingin nila sa akin na sumpa, baka 'pag naulit pa 'yon ay magsisi na 'kong pumayag pa ako na sumama kay Zion sa paglalakbay niya.
"Haie, nandito na po tayo."
Sumilip ako sa labas nang sabihin niya 'yon. Walang kakaiba sa itsura nito kung ikukumpara ito sa dalawang viyon na napuntahan ko
