CHAPTER 10: THE NEXT VILLAGE
Rhys's POV
Hindi ako halos nakatulog dahil sa pagbabantay sa sarili ko. Alam ko naman na sinabi ni Zion na siya na ang bahala sa pagbabantay, hindi ko rin alam bakit hindi ko na rin nagawang makatulog. Hindi ko na lang sinabi sa kaniya kasi nakakahiya na nagpuyat siya tapos 'yung binantayan niya puyat din.
"Haie, handa ka na ba?"
Kumunot ang noo ko sa biglang pagtatanong niya. "Saan?"
Umaga na at nagliligpit na kami ng gamit namin para maghanda na sa pag-alis, itutuloy na namin ang paglalakbay. Alam ko na iyon ang gagawin namin kaya hindi ko alam kung ano ang tinutukoy niya.
Huminto siya sa ginagawa niya saka humarap sa akin na may pag-aalalang ekspresyon sa kanyang mukha. "Pupunta na tayo sa viyon, makikita ka na ng mga tao."
Napabuntong hininga ako, si
