CHAPTER 69: ENEMY'S ATTACK
Rhys's POV
Sinimulan namin ang pagsagawa ng plano sa pagpupulong sa mga residente. Siyempre, ako ang nanguna at nagsalita sa harapan. Sinabi ko sa kanila ng posibleng darating na kaguluhan, hindi ako naglihim sa kanila ng kahit ano... ultimo ang mga posibleng rason na naiisip ko bakit ito nangyayari ay inihayag ko na rin.
Bukod dito, humingi na rin ako ng tawad sa mga palpak kong plano. Hindi ko alam kung ano ang naging sagot o reaksyon nila tungkol dito, hindi ko rin alam kung mayroon ba sa kanila na may inis o galit sa akin dahil sa mga pagkakamali ko, at hindi ko alam kung gaya pa rin ba ng dati ang tiwala nila sa akin... pero para sa ikagagaan ng loob ko ay ginawa ko pa rin ito.
Habang nagsasalita, hindi ko maiwasang hindi kabahan dahil dalawa sa nakikini
