CHAPTER 60: SURPRISE
Rhys's POV
"Salatias..." iyon na lang ang nasabi ko.
Hindi kami malapit ni Cush sa isa't isa gaya ng pagkakaibigan na meron kami ni Cecily. Kung ano lang ang ikinukwento sa akin ng girlfriend niya ay iyon lang ang alam ko tungkol sa kanya at tiyak na ganoon din siya sa akin.
"Nakausap mo ba siya bago siya nakatulog?" tanong ko.
Alam kong tahimik siyang tao, pero pareho kami sa ugaling hindi magsasalita kung hindi naman kausap. Kahit gan'on ay malaki pa rin ang pinagkaiba namin sa maraming bagay, siguro iyon na rin ang rason kung bakit hindi kami naging malapit na magkaibigan at hindi kami nag-uusap na kami lang dalawa.
Kabaliktaran namin si Cecily na palaging nauuna na magkwento, wala na kaming gagawin kundi makinig na lang at sumagot sa kung ano ang sasabihin n
