CHAPTER 61: MOTHER'S LOVE
Rhys's POV
Binigyan ako ng pagkakataon ng mga kaibigan ko na makapag-usap muna kami ni In-ma nang kami lang dalawa. Isang malapad na ngiti lang ang naging sagot sa kanila at hinila ko agad ang nanay ko pauwi sa bahay para masolo ko siya.
Pagpasok sa bahay ay mabilis akong nagtimpla ng kape, dinagdagan ko ang pait dahil ito ang gusto niya. Mas ginaganahan daw kasi siyang inumin ang mainit at mapait na kape.
"In-ma, maupo ka na muna riyan habang hinahanda ko ito," sabi ko. Hindi nabubura ang ngiti sa labi ko.
Naghanda rin ako ng tinapay. Mabuti na lang at nagtatabi ako ng pagkain, kundi ay nakakahiya kay In-ma na wala manlang akong maiabot sa kanya.
Pinili niyang maupo sa munting sala ng bahay. Bahagya akong natawa nang makita ko siya na nakapwesto sa tapat ng
