Legends (Ongoing) Part 1

Kae Reviera — Limang taong gulang pa lamang siya nang naranasan niya ang hindi inaasahang pangyayari.

Sa sobrang sakit at galit na nararamdaman niya, ipinangako niya sa kapatid na ipaghiganti niya at bigyang hustisya ang pagkamatay nito.

Limang taong gulang na bata na maagang namulat sa realidad. Sa realidad na hindi sa lahat ng panahon masaya. Na hindi lahat ng tao mabuti.

Sa loob ng sampung taon ay hindi pa rin niya tanggap ang nangyari sa kapatid nito. Sa mga panahong nagdaan, wala siyang ibang ginawa kundi ang paghandaan ang muling pagkikita nila sa taong kumitil sa buhay ng kapatid niya.

Binuo niya ang Dark, limang taon na ang nakalilipas. Pero saka lang niya ipinaalam sa buong mundo kung gaano sila ka delikado no'ng handa na siyang ipaghiganti ang kapatid.

Bumalik siya sa Pilipinas pagkatapos nilang isiniwalat sa buong mundo ang taglay nilang lagim.

Sa hindi inaasahang pagkakataon, nalagay sa panganib ang kanyang kababata dahil sa kanya.

Dahil sa pag-aakalang kaya niya ng mag-isang sumagip dito ay hindi na siya nag-abala pang isama ang Dark.

Na sana ay hindi niya ginawa. Hindi niya inaasahan na ang taong matagal na niyang pinaghahandaan ay siya ring may hawak sa kaibigan niya. Katulad nung unang beses niya itong nakita, ginamitan rin siya nang gamot para matalo.

Dahil dito ay muntik na siyang namatay kung hindi dahil sa Dark, na huli na nung nalaman ang ginawa niya.