KINABUKASAN, late ng pumasok si Peter sa kompanya. Naka-shades ito na para ayaw pasikatan ng araw ang mga mata. Wala siyang pinapansin na kahit na sino sa mga empleyado niyang binabati siya habang dumadaan sa mga harapan nilang lahat. Wala siyang panahon pa para gantihan ang bati nila. Ang makarating sa kanyang opisina Ng tangi lamang gustong gawin.
Hindi siya nakatulog sa sobrang pag iisip kay Edna. Ang mga nangyari sa kanila kahapon at ang mga pinag usapan nila. Paulit ulit na pabalik balik sa kanyang isipan. Napalampas niya ang pagkakataong iyon. Natatakot na siyang baka iwan siya ni Edna. Hindi malabong mangyari.
Pagkarating sa 50th floor ay nadaan siya sa harapan ni Alex. Napatayo ang kanyang assistant. "Good morning, sir."
Wala pa rin sa mood si Peter na gantihan ng bati si Alex.
