NAGISING si Eve, dahil sa pagtawag sa kanya ni Edna. Tanghali na pala at hinatiran na naman siya ng pagkain sa loob ng kuwarto niya. Amoy na amoy din ni Eve, ang mabangong usok na nagmumula sa ulam na dala ng babae. Bigla din siyang nakaramdam ng gutom, dahil sa masarap na amoy ng pagkain.
''Ma'am Eve, gising na po. Bumangon kana ma'am, para makakain kana. Matulog kana lang ulit mamaya pagkatapos mong kumain at uminom ng gamot mo. Kabilin-bilinan kasi ni Mr. Gao, na dapat kumain ka daw ng marami para gumaling ka kaagad.'' wika ni Edna. Nakatayo ang babae sa tabi ni Eve at may hawak na tray.
Agad naman na bumangon si Eve, dahil bigla din siyang nagutom, dahil sa naamoy niyang usok ng paborito niyang ulam. Alam niyang Chopsuey ang hinain ng kasambahay para sa kanya, kaya natuwa siya sa ba
