Takbo lakad na ang ginawa ko habang papunta sa elevator. Ten minutes na lang kasi ay mahuhuli na ako sa trabaho. Dahil sa ginawang kabaliwan ni Kuya Eman at Myra, pati ako ay damay sa sermon ni mama at papa, at heto nga mukhang magkakaroon pa agad ng bad impression sa unang araw ko sa trabaho. Hindi lang kay Justin na siyang boss ko, kung hindi pati na rin sa mga katrabaho ko.
Kainis naman kasi kuya, akala ko torpe, ninja pala. Si Myra naman na akala ko amasonang bitter, ang lambot pala, bumigay ba naman agad. Nalasing daw kasi sila, at kasalanan daw ng alak. Sinisi pa sa alak ang nagawa nilang kahibangan.
Ano pa ba ang magagawa namin, e ‘di tanggapin na lang ang nangyari. Tatanggapin ko na lang na ang best friend at dati kong bodyguard, ngayon ay magiging ate ko na. Ang saya ng life!
