Kabanata 15
Bigla akong napatigil sa paglalakad dahil nakita ko si Miss Britta Matastas. Taas noo siyang naglalakad habang nasa likod niya ang isang babaeng empleyado. Sa palagay ko ay sekretarya niya ito. Maraming hawak na folder ang babae at hindi magkanda ugaga sa pagdadala ng mga ito. Napatitig ako kay Miss Matastas at nakita kong maarte niyang itinaas ang mamahalin niyang shades, pagkatapos ay isinabit niya ito sa kaniyang shoulder bag.
Inilahad niya ang kamay sa babae at ibinigay naman nito ang isang folder. Binasa ni Miss Britta ang mga papeles sa loob nito habang naglalakad sila. Tumango siya at muli niyang inilahad ang kamay sa babae, agad siyang binigyan nito ng ballpen. Agad niyang pinirmahan ang mga papeles kahit na wala siyang patungan.
Sumunod ako sa kanila. Kumekembot na
