Tuwid siyang nakatayo sa harap ni Jace, hinihintay ang paliwanag nito ngunit nanatili itong walang imik. Nanlalambot siyang napaupo sa silyang nasa kanyang harapan saka mariin itong tinitigan. Para siyang maiiyak habang nakatingin dito. This is not the Jace she used to know. Ang Jace na nakikita niya ngayon ay lulugo-lugo at parang talunan.
"Jace, ano bang gusto mong mangyari sa buhay natin? Alam mo namang ang dami nating bayarin, so, bakit may ganito ka pang listahan?" Hindi na niya napigilan ang pagpatak ng kanyang mga luha dahil sa labis na nararamdaman. Hindi niya maintindihan kung naiinis ba siya? Nagagalit ba? Ewan! Hindi na niya alam!
"Kung hindi dumating si Jona, malamang bukas wala ng gatas at diaper ang anak mo," sambit niya. Hindi niya gustong manumbat ngunit kapag ganito na
