Hanggang sa matapos silang kumain, wala pa ring imik ang dalaga. Hindi rin naman niya magawang magtanong sa takot na lumala ang sapi nito.
Baka kulang sa romansa? sigaw ng isang bahagi ng kanyang isipan. Naalala pa niya ang sinabi ng kanyang tatay noon. Na baka kaya mainit daw ang ulo ng kanyang nanay kasi kulang sa romansang itik! Hindi niya alam kung kikilabutan ba o ano!
Bahagya naman siyang napaigtad nang biglang tumayo ang dalaga dahilan upang lumikha ng malakas na ingay ang pag-usod nito sa upuan. Lihim niya itong sinulyapan, still she didn't say a word. Dinampot nito ang pinagkainan nitong plato saka dinala sa lababo.
Hindi na siya nakatiis. Sinundan niya ito saka niyakap mula sa likod. Ipinatong niya ang kanyang baba sa balikat nito saka pabulong at malambing na nagsalita, "Lo
