Parang pasan niya ang mundo ng umapak ang paa niya sa loob ng Ninoy Aquino International Airport. Ang kanyang dibdib, puno ng lungkot at sakit. Panay ang halik niya sa buong mukha ni Noah na noon ay tulog sa bisig ng kanyang Auntie Myra. Maluha-luha rin ang mga mata nito, panay ang iwas ng tingin sa kanila. Pati ito ay nasasaktan sa napipintong paghihiwalay nila. Alam niyang mahal na mahal siya nito kaya nahihirapan din ito. Kagabi naman ay tinawagan niya ang kanyang pamilya sa Masbate, namaalam siya sa kanyang nanay at tatay pati na rin sa kanyang mga kapatid. Si Marie lang ang hindi niya nakausap. Hanggang ngayon, naroon pa rin ang lungkot sa kanyang dibdib ng maalala ang pag-uusap nila ng kanyang tatay. Hindi ito gaanong masalita pero alam niyang mahal na mahal siya nito. Kakatwang kaga
