Si Dave pala ang kanyang katabi sa upuan. Naramdaman niya kaninang may umupo sa kanyang tabi pero hindi siya nag-abalang tingnan ito. Nanatili lang siyang nakayuko, pilit itinatago ang mukha sa hoodie na suot. Hindi naman niya akalain na ito pala ang tumabi sa kanya.
"Baby" narinig niyang bulong ulit nito. Naramdaman pa niya ang paggalaw nito sa kinauupuan nito saka ito humarap sa kanya, tinatangkang hawakan ang kanyang kamay subalit ipiniksi niya ang kamay nito. Sinamaan niya ito ng tingin. Kung nasa Pilipinas lang sila, malamang kanina pa ito nakatikim sa kanya.
"Anong ginagawa mo dito?" Pigil-pigil niya ang sarili na hindi ito singhalan. Hindi niya lubos akalain na hanggang doon ay susundan siya nito. Is he really going to Dubai just to chase her? Hindi naman siguro.
Hindi rin niya n
