"No! Ayoko," mariing tanggi ni Jace ng marinig ang sinabi ni Ara sa kanya. "Hindi mo naman kailangang lumayo, eh. Paano na lang si Noah kung aalis ka?"
Napayuko si Ara dahil sa isinagot ni Jace sa kanya. Batid na niyang hindi siya papayagan ni Jace na mangibang bansa ngunit nagbakasakali pa rin siya. Sayang naman ang opportunity at kikitain niya sa ibang bansa kung hindi niya iga-grab ang opportunity na ibinigay sa kanya. Saka ito na rin ang pagkakataon niya para makatulong at malampasan nila ang mga utang nila na tila ba hindi matapos-tapos. Katatapos lang nila magbayad minsan pero sa susunod na araw, may nadadagdag na agad lalo na at madalang naman kung magkaroon ng trabaho si Jace.
Pero mukhang hindi talaga siya papayagan ni Jace. Hindi naman niya pwedeng ipagpilitan ang kanyang gust
