Ilang araw na ba ang nakakalipas magmula ng huling magkaroon siya ng balita kay Jace? Ay, hindi! Hindi ilang araw kundi halos magda-dalawang linggo na. Kinabukasan pagkagaling nila sa birthday ng kanyang Auntie Myra, sinabi niya sa binata ang kanyang natuklasan. Ilang araw na rin kasing masama ang kanyang pakiramdam ngunit binabalewala lang niya iyon sa pag-aakalang ng dahil lang sa pagod at puyat. Pero nang manghiram si Jona ng sanitary napkin sa kanya at napansin niyang hindi iyon nabawasan na dapat noong nakaraang linggo pa siya nagkaroon. Kinakabahan siya. Natakot. Kaya pilit niyang itinatanggi ang kaalamang buntis siya.
Pero hindi talaga siya mapakali kaya nang araw na iyon pagkalabas niya ng trabaho, agad siyang dumaan sa isang botika upang bumili ng pregnancy kit. Tatlo pa ang bin
