Ang mga sumunod na araw para sa kanya ay lalong naging mahirap. Bumabangon siya ng alas tres ng madaling araw tapos papasok alas kwatro hanggang alas dos ng hapon. Upang makalimot sa sakit at paghihirap na pinagdaraanan, pilit niyang inaabala ang sarili sa trabaho. Mabuti na nga lang at hindi siya pinahihirapan sa kanyang pagbubuntis.
Five weeks to be exact. Sinamahan siya ni Jona kahapon sa pagpapa-check up sa isang ob-gyne. So far, pareho naman silang healthy ni baby. Pero ng mga oras na 'yon, tanging sila pa lamang ni Jona ang nakakaalam sa tunay niyang kalagayan. Pero hindi talaga maiwasan na magtanong ang mga kasamahan niya sa trabaho kung bakit hindi na nakikita ng mga ito si Jace.
"Jowa mo, ilang araw ng missing in action. Nag-away ba kayo?" tanong ni Ricky sa kanya. Inaayos ni
