Panay ang tawag ng binata mula sa labas ng banyo. Siya naman ay abot tainga ang ngiti habang naliligo. Ngunit ang ngiting iyon ay unti-unting naglaho ng mapagtantong hindi niya nadala ang panty niyang nasa loob ng kanyang pouch. Isa pa, wala pa rin sa kanya ang hinihiram niyang damit ni Jace!
Bakit ba kasi naisipan agad niyang pumasok sa loob ng banyo? Humakbang siya patungo sa may pinto, idinikit ang tainga at piliy pinakikinggan kung nasa labas pa nga ang binata. Bigla kasi itong tumigil sa pagtawag sa kanya kaya akala niya wala na ito. Ngunit nang buksan niya ang pinto, nakasandal ito sa dingding, mukhang hinihintay talaga ang kanyang paglabas.
Napangiwi siya, alanganing ngumiti rito. Itinuro niya ang kailangan niyang pouch kung saan nakalagay ang personal na gamit. Agad naman itong
