Kahit ilang oras lang ang tulog niya, maaga pa rin siyang nagising. Nang tingnan niya ang oras, alas singko kinse pa lang. Dahan-dahan niyang tinanggal ang braso ng binata na nakapulupot pa rin sa kanyang baywang. Bahagya lang itong umungol, nang silipin niya, mukhang tulog pa rin naman. Agad siyang nagpunta ng banyo dahil sa totoo lang, parang sasabog na ang kanyang panubigan. Naghilamos na rin siya saka nag-toothbrush. Mabuti nga at may bukas pang tindahan mapalit sa apartment ng binata kaya naibili siya nito ng toothbrush kahit hatinggabi na.
Pagkatapos ay pinakialaman niya ang ref nito. Tiningnan kung may pwedeng mailuto. Mabuti na lang at may nakita siyang itlog saka hotdog. Pwede na 'yon para sa umagahan nila. Nagsaing na lang siya dahil alam naman niyang makanin nga ang binata. M
