Pagkarating niya ng apartment. Katahimikan ang sumalubong sa kanya. Maski ang mga ilaw, lahat nakapatay. Pero buhay naman ang kwarto sa loob ng kwarto nila. Baka naroon ang kanyang mag-ina.
"Love?" tawag niya subalit walang sumagot. Ipinatong niya sa ibabaw ng mesa ang kanyang mga pinamili saka hinubad ang suot na jacket at sapatos. "Love?" tawag ulit niya.
Tinungo na niya ang kwarto nila pero wala siyang nadatnan. Dinukot niya ang kanyang cellphone sa bulsa ng kanyang pantalon upang tawagan si Ara ngunit hindi ito sumasagot. Nang lumabas siya ng kwarto, nakita niyang umiilaw ang cellphone nito na nakapatong sa ibabaw ng center table sa may sala.
Bigla ang pagsalakay ng kaba sa kanyang dibdib. Ngunit maya-maya lamang ay narinig niyang tumutunog ang cellphone niya. Pangalan ni Auntie M
