CHAPTER 84:
Halos kumawala sa dibdib ng dalaga ang kanyang puso sa sobrang takot sa nangyayari, hindi niya alam kung paano siya makakaligtas sa lalaking may hawak sa kanya dahil nakaamba pa rin hanggang ngayon sa kanyang leeg ang patalim nito. Habang ang mga bodyguard naman na kasama niya ay wala ring magawa dahil inaalala rin nila na baka kapag lumaban sila ay mapahamak si Samantha.
“Bakit naman ang tahimik mo ngayon, miss governor? Kanina sa interview, kung makapagsalita ka ay parang kaya mong talunin ang kalaban nang madali. Bakit ngayon, sa iisa lang ay hindi ka na makapalag?” nakangising tanong ni Carlo sa dalaga.
Nanlaki ang mata ng dalaga nang marinig niya ang sinabi ng lalaki, kung kanina ay iniisip niya lang na may kung sinong tao lang ang may galit sa kanya ang gumagawa nito;
