CHAPTER 83:
Matapos ang kanilang naging pag-uusap ay naghiwa-hiwalay na silang muli para naman gawin na ang kanilang napag-usapang plano. At sa totoo lang ay tutol pa rin si Shaika sa planong naiisip ng mga kasama niya, kaso nga ay hindi rin siya maka-alma dahil wala rin siyang ipapalit sa naiisip nilang paraan. Ang tanging magagawa niya na lang sa ngayon ay manalig na magiging ayos lang ang lahat.
Walang bahagi si Shaika sa gagawin nilang plano dahil nga nasa kanya ang mata ni Samantha lalo na ni Zeldris. Alam niya na kapag sumali pa siya sa kalokohang naisip ni Carlo ay lalo lang silang mapapahamak. May katangian kasi ang dalawang iyon na dapat pag-ingatan nina Shaika na magamit ng mga ito laban sa kanila.
Malakas ang pakiramdam ni Samantha, alam niya agad kapag may naiisip na hindi m
