CHAPTER 48:
Dumating ang kinabukasan at hindi naging maganda ang gising ni Shaika. Hindi niya maintindihan ang kanyang sarili kung bakit kahit nagawa nang resolbahan ni Zeldris ang nakakadudang kilos ni Camille. Hindi niya magawang paniwalain ang sarili sa narinig na paliwanag ng babaeng iyon nang tanungin siya ng mayor kung ano pa ang ginagawa niya sa Munisipyo ng mga oras na iyon at kasama pa ang mga lalaking hindi naman empleyado ng Munisipyo.
“Sorry, Mayor. Mga kaibigan ko sila noong college ako at nagpatulong ako sa kanila sa ilang dokumento na iniutos mo sa akin na gawin, hindi ko kasi maintindihan ang dapat gawin at wala ka naman sa Munisipyo para pagtanungan ko. Kaya imbes na mang-istorbo sa meeting mo ay tinawagan ko na lang ang mga kaibigan ko. Iyon nga lang ay late na rin nami
